Football (Ligue 1) – Déplacement périlleux pour l’AC Ajaccio demain à Lorient
(A redazzioni d’Alta Frequenza) – Tredicesima ghjurnata di Lega 1, l’AC Aiacciu, ultimu di u campiunatu, ghjoca dumani à sera (dumenica) contru à Lorient, settesimu à a classifica. Dopu à una nova disfatta a settimana scorsa in Timizzolu contr’à Bordeaux, l’aiaccini sò inde l’ubligazioni di vultà in Corsica cù un risultatu pusitivu di Britagna, da spirà di mantena si in prima divisioni, u scartu divintendu di più in più impurtanti trà i sfarenti cuncurrenti. L’avversariu di a sera hè una furmazioni brittona chì viaghja bè dipoi u principiu di a staghjoni, è chì faci parti di i più boni squadri in casa soia, cù 12 punti di presi nant’à 18 pussibuli. Da u cantu di u gruppu aiaccinu, si rimarca u ritornu di u difensori, Antò Lippini, dopu à a so suspensioni si a dumenicata fà, è chì duvaria vultà inde l’ondici di Olivier Pantaloni. Una partita chì i « Rossi è Bianchi » ani dicisu di priparà ind’i più boni cundizioni. Iss’ultimi sò in fatti ghjunti ind’u Morbihan ghjovi à sera, da pudè ritruvà si, è cuncitrà si di modu pienu nant’à issu scontru, chì com’è a maiò parti di quilli ch’elli ghjucarani, s’annunzia com’è una finali di cuppa. Una partita chì si ghjucarà dunqua dumenica à 5 ori di sera, à u stadiu di u Moustoir.
Ecoutez le milieu de terrain de l’AC Ajaccio, Damien Tiberi, qui nous livre ses impressions.
Sur le même sujet
