Football (Ligue 1) - Denis Tonucci (Cesena) à l'AC Ajaccio
(A redazzioni d'Alta Frequenza) - Si sapia chì l'AC Aiacciu vulia rinfurzà a so difesa. Dopu à i ghjunti di Cédric Hengbart (Auxerre) è di Laurent Bonnart (Lille), chì sò ghjucadori nant'à i lati, i dirighjenti di u club ani ufficializatu in principiu di sirata a ghjunta di Denis Tonucci. À 24 anni, ssu ghjuvanottu natu ind'u rughjoni di Rimini hè un difensori cintrali, furmatu in Cesena in Italia, duva ellu hà ghjucatu da u 2006 à u 2009. Ss'ultimu hè partutu dopu in Piacenza, Vicenza prima di ritruvà Cesena. Denis Tonucci hè statu internaziunali talianu in U18, U19 è U20. Cù 106 partiti in Serie B, in Italia, frà i quali 30 l'annu scorsu (3 reti scritti), hè prisintatu ind'u so paesi com'è un futuru grandi ghjucadori. Parechji clubs di Serie A u vuliani, ma ancu u Werder di Bremen, in Alimagna. S'hè ingaghjatu pà dui anni. U club ricerca oramai un mezu di tarrenu, è un attaccanti, capaci di ghjucà à fiancu à Adrian Mutu à l'attaccu di a squadra aiaccina.
Sur le même sujet
