Football (Ligue 1) - Damir Kahriman mis à l'essai par le SC Bastia
(A redazzioni d'Alta Frequenza) - Ssu luni, duranti una cunfarenza di stampa fendu u ghjiru di l'attualità bastiaccia, u presidenti di u SC Bastia hà datu calchì infurmazioni annant'à u marcatu. S'è Julian Palmieri hà uttenutu a pussibilità d'andassini pà i servizi resi è ch'ellu pudaria bè essa trasferitu duranti ssu marcatu, ci sarà una ghjunta à partasi di ssu luni. Ssa ghjunta, sottu a forma di una prova di una sittimana, hè quilla di u guardianu internaziunali serbu Damir Kahriman. À 30 anni è in cuntrattu fin'è u 2016, hà ghjucatu solu trè partiti di campiunatu a staghjoni scorsa, postu ch'ellu era rimpiazzanti inde a Stella Rossa di Belgrada. Passatu par asempiu pà Vojvodina, Rad, Ivanjica o in Ucraina in u Tavriya Simferopol, quissu quì, in casu di prova bona, pudaria essa missu in cuncurrenza cù Jean Louis Leca, u numaru unu attuali chì hà fattu boni scontri amichevuli di priparazioni.
