Football (Ligue 1) - Claudiu Keseru s'est engagé avec le SC Bastia
(A redazzioni d'Alta Frequenza) - Dopu à l'avenimenti di a settimana scorsa, l'affari hè fatta daveru stavolta. Claudiu Keseru, attaccanti internaziunali rumenu di 26 anni in fin di cuntrattu cù Angers hà datu a so risposta à u Sporting Club di Bastia, dopu essa vultatu da vacanzi in Rumenia, è ssa risposta hè pusitiva. Quissu quì hà firmatu di manera ufficiali un cuntrattu di dui anni arimani (marti) sicondu u club. Passatu pà Nantes, Libourne Saint Seurin, Tours è Angers, Keseru hà fattu una bellissima staghjoni scorsa in Lega 2 cù 17 reti scritti in 32 scontri. Quissu quì spera francà un passu novu essendu titulariu in Lega 1. Hè a quattriesima ghjunta pà u club à l'uccasioni di ssu marcatu dopu à Diakité, Raspentino è Modesto.
Sur le même sujet
