Football (Ligue 1) - Benjamin André se rapproche du SC Bastia
(A redazzioni d'Alta Frequenza) - U marcatu di i trasferimenti hè apartu di manera ufficiali dipoi ssu marti in Liga 1 è Liga 2, è par avà, nisun muvimentu cà quilli privisti à u nivellu di i partenzi in fin di staghjoni hè statu arrighjistratu à u Sporting Club di Bastia. Ma u Sporting, chi duvarà ricustruiscia di modu prufondu u so effettivu par via di numarosi ghjucadori in fin di cuntrattu, duvaria principià u so marcatu pà i ghjunti da quì à pocu. S'è par avà, nisun pussibilità cuncreta hè spuntata par via di a ghjunta di un intrenori novu, Claude Makélélé, chì t'avarà bisognu di ghjucadori sfarenti di quilli chì pudiani essa ghjunti senza ssu cambiamentu d'intrenori, un cartulari custituisci malgradu tuttu un'eccezzioni. È s'è quissu quì ùn hè micca assai luntanu, postu chì u club bastiacciu hè in cuntatti assai avanzati cù Benjamin André, mezu di tarrenu di 24 anni chì ghjucava fin'è tandu à l'AC Aiacciu, è chì sarà libaru à a fin di u mesi. Quillu chì hà fattu nascia l'intaressu di parechji clubs di Liga 1 avaria una prifarenza pà Bastia, un accordu difinitivu saria ancu vicinu trà i dui parti.
Sur le même sujet
