Football (Ligue 1) - Baptême du feu pour Bracconi avec l'AC Ajaccio à Toulouse
(A redazzioni d'Alta Frequenza) - Prima partita stasera (sabbatu) à 8 ori pà u novu intrenori di l'AC Aiacciu, Christian Bracconi, nant'à u tarrenu di Toulouse, pà a 13a ghjurnata di Lega 1. Dopu essa statu intrunizatu di manera ufficiali luni, Bracconi, direttori di u centru di furmazioni, ripighja una squadra ferita di manera fisica è murali, arradicata à a zona di rilegazioni par via di l'ultimu coach Fabrizio Ravanelli. Un primu appuntamentu ditarminanti ind'u Stadium contr'à una furmazioni lucali assai irregulari, chì ferma par asempiu nant'à un schjaffu maiò in casa 5-0 contr'à Rennes. Christian Bracconi, chì hà travaghjatu assai tutta a settimana cù i so ghjucadori, spera assai di ssa partita pruvendu à sciappà infini ssu ciculu di disfatti, è fà ritruvà à a so furmazioni u piacè di ghjucà à ballò eppo a voglia di creda à u mantenimentu. Parechji ritorni sò stati arrighjistrati pà ssu scontru, com'è quilli assai aspittati d'Eduardo, Hengbart, Gonçalves, Belghazouani, Tallo o ancu Pierazzi.
Steti à senta l'intrenori aiaccinu, Christian Bracconi.
Sur le même sujet
