Football (Ligue 1) - Albert Emon quitte l'AC Ajaccio (officiel)
(A redazzioni d'Alta Frequenza) - Hè oramai ufficiali, Albert Emon ùn hè più l'intrenori di l'AC Aiacciu. A nutizia, chì circulava dipoi dumenica à sera è l'ultima partita di a staghjoni in casa contr'à Nizza, hè stata cunfirmata issu marti da u presidenti Alanu Orsoni, ind'un cumunicatu publicatu nant'à u situ ufficiali di u club. "Dopu avè fattu u puntu cun ellu, Albert Emon ci hà parlatu di prublemi parsunali chì l'ani purtatu à arristà a cullaburazioni", si pò leghja inde issu cumunicatu. È di pricisà chì 'l'ACA darà u nomi di un novu intrenori da quì à pocu". Si senti dighjà parechji affari ind'a cità Imperiali nant'à l'identità di u successori di quillu chì avia rimpiazzatu à Alex Dupont in fin d'annata scorsa. U nomi di Farbrizio Ravanelli, anzianu grandi attaccanti talianu oramai intrenori di una sizzioni ghjovana ind'a Juventus di Torino, dighjà in cuntattu l'inguernu scorsu, spuntaria torna frà altru. Un affari à suvità...
Sur le même sujet
