Football (Ligue 1) - Affaire Nantes - SC Bastia : l'appel nantais finalement examiné par la FFF
(A redazzioni d'Alta Frequenza) - A seria ghjuridica è spurtiva inghjiru à a partita Nantes - SC Bastia, è l'intrata in ghjocu di u ghjucadori di Nantes Abdoulaye Touré, chì era suspesu pà ssu scontru, cunnosci un episodiu novu, cù un avenimentu novu assai impurtanti. In fatti, u club di Nantes, dopu à u ricusu di u so appellu ind'a Federazioni Francesi di Ballò, avia dumandatu una cunciliazioni ind'u CNOSF. Una cunciliazioni andendu propiu à prò di i nantesi infini, parchì dopu à a pruposta di u CNOSF, a FFF hà dicisu tuttu simpliciamenti d'annulà u ricusu di ss'appellu quì è d'asaminà lu torna una volta u 31 d'uttrovi nant'à u fondu di l'affari. Ci pudemi dunqua dumandà di manera leghjetima chì sarà a data di un ghjudiziu difinitivu inde ss'affari quì, postu chì s'è a siconda dicisioni di a FFF ùn duvia micca andà ind'u sensu vulsutu da i nantesi, vali à dì un'annulazioni di a suspensioni di u ghjucadori, u FC Nantes pudaria torna andà davanti à u CNOSF, eppo, s'ellu sbocca, davanti à un tribunali amministrativu. Rammintemi chì Nantes, in casu di cunfirmazioni di ssa suspensioni, pudaria perda i trè punti di a vittoria contr'à u Sporting, chì i si buscaria sicondu i reguli in ballu di regula.
Sur le même sujet
