Football (Ligue 1) - Adrian Mutu est arrivé à Ajaccio !
(A redazzioni d'Alta Frequenza) - Eccu, a star rumena Adrian Mutu hè ghjunta in fin di dopu meziornu (luni) in Aiacciu. L'ecchisi attaccanti di a Juventus di Turinu, di a Fiorentina è di Chelsea hè statu accoltu da più di dui centu sustenidori aiaccini, aduniti inde l'aeruportu Nabuliò Buonaparte. I canti erani quì com'è i banderi pà un'ambienza mai vista pà accoglia di un ghjucadori di ballò ind'a cità Imperiali. Adrian Mutu passarà a so visita medicali dumani matina, nanzi di firmà un cuntrattu di dui anni cù u club corsu. Alain Orsoni era ben intesu assai filici, u presidenti aiaccinu chì ci hà cunfidatu in calchì parolla u so sintimu, ma dinò a pussibilità di veda parchì micca a star rumena rializà a so prima partita in Lega 1 sabbatu chì veni contr'à Evian in Timizzolu, pà calchì minutu.
Voir la galerie photo de l'arrivée d'Adrian Mutu à Ajaccio.
Écoutez Alain Orsoni.
Sur le même sujet
