Football (Ligue 1) - Abdelhamid El Kaoutari va rejoindre le SC Bastia
(A redazzioni d'Alta Frequenza) - Un ghjucadori novu pà u SC Bastia. Dopu un marcatu soprattuttu uffensivu cù Jerson Cabral, Thievy Bifouma, Allan Saint-Maximin è Lenny Nangis, fora di Paul Charruau à u postu di guardianu, hè in difesa chì u Sporting s'hà da rinfurzà da quì à calchì ora. In fatti, u difensori di Palermu, Abdelhamid El Kaoutari, hà da essa impristatu à u Sporting pà a staghjoni chì veni. À vintisei anni, l'internaziunali maruccanu t'hà dighjà una bella carriera, dopu avè ghjucatu 153 partiti di Liga 1 cù Montpellier, induv'ellu hà guadantu u campiunatu di Francia in u 2012, è cù Reims, induv'ellu era statu impristatu duranti u marcatu d'inguernu. Parmittarà à François Ciccolini d'avè una suluzioni di sparienza di più in difesa cintrali par appughjà à Squillaci è Peybernès. U marcatu bastiacciu ùn hè micca compiu malgradu tuttu, postu chì un rinforzu à manca di a difesa è un antru à l'attaccu sò bramati è aspittati da l'intrenori bastiacciu François Ciccolini.
Sur le même sujet
