Football (Ligue 1) - Abdelhamid El Kaoutari prêté au SC Bastia avec option d'achat
(A redazzioni d'Alta Frequenza) - Hà presu di più tempu cà privistu, ma u difensori cintrali Abdelhamid El Kaoutari hè infini un ghjucadori di u SC Bastia. In fatti, trà u Sporting è Parlemo, i neguziati si sò allungati cuncirnendu i mudalità esatti di a ghjunta di u difensori internaziunali maruccanu, ma un accordu hè statu trovu infini, nant'à a basa di un imprestitu cù un'uzzioni pà cumprà u ghjucadori sicondu u club sicilianu. À vintisei anni, l'internaziunali maruccanu t'hà dighjà una bella carriera, dopu avè ghjucatu 153 partiti di Liga 1 cù Montpellier, induv'ellu hà guadantu u campiunatu di Francia in u 2012, è cù Reims, induv'ellu era statu impristatu duranti u marcatu d'inguernu. Parmittarà à François Ciccolini d'avè una suluzioni di sparienza di più in difesa cintrali par appughjà à Squillaci è Peybernès.
Sur le même sujet
