Football (Ligue2) : Le CA Bastia à l'épreuve de Nancy
(A redazzioni d'Alta Frequenza) - Ssu dopu meziornu (sabbatu), u CA Bastia hà da riceva à u stadiu Armand Cesari l'AS Nancy Lorraine pà a siconda ghjurnata di Lega 2. Una partita chì si ghjucarà à 2 ori duranti u mesi d'aostu, ciò chì pari essa un affari scemu pà qualsiasi parsona appena astuta, ma a Lega di Ballò Prufiziunali t'hà i so raghjoni televisuali chì a raghjoni ùn cunnosci micca. I cabisti si duvarani batta contr'à una squadra di Nancy dillusa da u so risultatu à paru in casa soia a settimana scorsa, chì t'avarà a voglia di vincia u so primu scontru di a staghjoni. Una squadra chì hè falata da a Lega 1 cù ghjucadori di trinca com'è Mollo è chì sarà difficiuli à cuntrarià pà cabisti chì ùn sò micca ind'un bunissimu statu dopu à i so dui primi disfatti in campiunatu è in cuppa. Ritruvà simplicità ed efficacità ind'u ghjocu, eccu a priurità di i cabisti, chì ani persu pà ssa partita u so capitanu Arnoux, feritu.
On écoute Stéphane Rossi, l'entraîneur du CAB
Sur le même sujet
