Football - Le SC Bastia officiellement promu en National
S’aspittaia issa dicisioni, è oramai hè ufficiali : u SC Bastia hà da ghjucà in Naziunali pà a staghjoni chì veni. Di fatti, tutti i cumpitizioni d’amatori, cacciati i campiunati di Naziunali o di D1 fiminili, si fermani chivi. I cumpitizioni sò stati, dunqua, cunsidarati chjusi u 13 di marzu. Sarani presi in contu i punti accolti, tinindu contu di i partiti ghjucati, da piddà in cunsidarazioni à quiddi ch’ani ghjucatu menu scontri. Cusì, u SC Bastia, chì conta cinqui punta di più chè Sedan cù u stessu numaru di scontri, si ni codda in Naziunali.
Cù issi dicisioni, l’AS Furiani-Agliani pudaria ancu salvà a so piazza in Naziunali 3, postu chì falata ùn ci ni duvaria essa chè una pà ugni gruppu di Naziunali 2 è Naziunali 3.
In quantu à l’US Corti, dopu à a so cuddata faltata d’annu, hà da ritruvà u campiunatu di Naziunali 3.
Pà u campiunatu di Naziunali, infini, a FFF si voli dà un pocu di tempu, cù a spirenza di ripiddà à tempu à a Liga 1 è a Liga 2.
Issa dicisioni, ben’intesa, arreca una certa gioia à u prisidenti Claude Ferrandi. Una gioia misurata quantunca, parvia di a situazioni glubali.
Eppuri, ci hè una bedda fiertà pà u travaddu avviatu, cù un sgardu purtatu oramai à l’avvena.
Sur le même sujet
