Football - Le SC Bastia a présenté sa société coopérative
(A ridazzioni d'Alta Frequenza) - Ghjovi, u SC Bastia hà prisintatu u so statutu novu di SCIC, chì permetti d’apra u capitali à i suppurtadori, i impresi è i cullittività. U prisidenti è u vici prisidenti, Claude Ferrandi è Pierre-Noël Luiggi, ani parlatu à a stampa issendu quantunca disturbati da l’articulu di « L’équipe » : à senta u ghjurnali, a squadra saria suspittata par ciò chì tocca à u so bugettu, in a staghjoni lla ripresa. Si tratta di calcosa chì s’assumiddaria à un « abusu di bè suciali ». È sò tandu missi in risaltu i 700000€ chì Bernard Roussel, u liquidatori di a SASP SC Bastia, dumanda, dopu d’avè purtatu l’associu attuali in ghjustizia. Claude Ferrandi dici chì quand’idd’ani ripresu l’associu, à l’istati llu 2017, ùn c’erani chè 28000 € in cascia. In quantu à Pierre-Noël Luiggi, si lagna di tutti iss’inghjulii. Cacciatu iss’affari, si hè dunqua parlatu di a SCIC, è di l’invistimentu di 600000€, fattu in cumunu da i famiddi Ferrandi è Luiggi. Ugni parsona, murali o fisica, si pudarà cumprà par 50€ una parti.
Di tutti issi cosi, ci ni parla Claude Ferrandi, u prisidenti llu SC Bastia
