Football - Le FC Bastia-Borgo repêché en National
Dopu a parichji sittimani di dubitu, u FC Bastia-Borgu cunnosci infini a so situazioni pà a staghjoni à vena. U FCBB aspittaia a sintenza lla cumissioni d’appellu di a DNCG pà u FC Sète. Contru à issa squada d’altrondi, u FCBB avia persu a so lutta pà u mantinimentu mentri l’ultimu scontru lla staghjoni.
L’affari ùn hè ancu isciutu ufficialmenti, ma i scagni federali ani dittu à u FCBB ch’iddu ghjucaria in Naziunali pà a staghjoni à vena : a cumissioni d’appellu di a DNCG hà datu cunfirma chì u FC Sète falaia in Naziunali 2.
Ma a staghjoni à vena hà da essa bedda dilicata pà i corsi : l’effettivu hè à ricustruì, in un campiunatu ind’iddi ci sarani à u minimu cinqui falati.
