Football - La Squadra Corsa défie le Nigéria à 20h00 à Timizzolu
(A redazzioni d'Alta Frequenza) - Ssu vennari à sera à 8 ori in u stadiu François Coty in Aiacciu, a Squadra Corsa ghjucarà contr'à u Nigeria. L'uccasioni pà u publicu di ritruvà i ghjucadori chì cumponini ssa squadra chì sarà purtata torna da Jean Michel Cavalli. L'isulani scuntrarani una selezzioni di prima trinca di u cuntinenti africanu postu chì u Nigeria t'hà in u so effettivu ghjucadori putenti, chì ghjocani frà altru in prima divisioni inglesa. Pà i Super Eagles, si trattarà d'essa serii pà ssa partita postu ch'elli approntani u principiu di a so campagna qualificativa pà a Cuppa d'Africa di i Nazioni 2019. Triplici campionu d'Africa, 8esimu di finalistu di u Mundiali 2014 eliminatu 2-0 da a Francia, u Nigeria sarà dunqua un avversariu maiò pà a squadra corsa.
Sur le même sujet
