Football - La DNCG réintègre l'AC Ajaccio en Ligue 2 !
(A redazzioni d'Alta Frequenza) - L'AC Aiacciu ghjucarà bè in Liga 2 a staghjoni chì veni ! Di manera amministrativa in Naziunali 1 dopu una prima dicisioni calchì ghjornu fà di a DNCG, u club aiaccinu passava ssu marti u so urali di richjappu davanti à u gendarmi finanziariu di u ballò francesi. Dopu a so audizioni è dopu avè furnitu tutti i pezzi nicissarii pà u so cartulari, l'ACA hè statu dunqua integratu torna in Liga 2. Malgradu tuttu, u club corsu vidarà a so somma di i paghi inquadrata à 90% pà a staghjoni nova. Una misura chì ùn inghjinnarà micca un prublema maiò inveci pà u so avvena. Una dicisioni di a DNCG chì hè un veru sullevu pà i dirighjenti Bianch'è Rossi, ma dinò, si pensa, pà tuttu u ballò corsu.
Sur le même sujet
