Football - L'avenir du SC Bastia se décidera ce vendredi
(A redazzioni d'Alta Frequenza) - Ssu ghjovi dopu meziornu, i dirighjenti attuali è i futuri pruprietari pussibuli di u SC Bastia, accumpagnati da u presidenti di l'Esecutivu di Corsica Gilles Simeoni, erani ricivuti in u CNOSF pà una riunioni di cunciliazioni cù a Federazioni Francesi di Ballò è a Liga di Ballò Prufiziunali pà difenda u Sporting è integrallu torna in Liga 2. Una riunioni chì ùn hè micca sbuccata nant'à un accunsentu, postu chì a FFF è a LFP ùn erani cusì d'accordu cù l'idea di fà vultà u SC Bastia in Liga 2. Di fatti, u CNOSF darà u so parè cunsultativu dumani, nanzi una dicisioni di l'istanzi di u ballò ghjustu dopu. Ssu ghjovi à sera, i pruprietari futuri pussibuli di u Sporting sò in pusizioni d'attesa.
Steti à senta à Jean Dominici, unu di i pruprietarii futuri pussibuli di u SC Bastia prisenti in u CNOSF ssu ghjovi.
