Football (Gambardella) - Les U19 de l'ACA se qualifient pour les 16e de finale. Bastia éliminé
(A redazzioni d'Alta Frequenza) - L'AC Aiacciu è u SC Bastia, i dui ultimi clubs corsi sempri in corsa, erani cuncirnati da i 32esimi di finali di a cuppa Gambardella ssa dumenica. L'Aiaccini di Michaël d'Amore ani battutu l'Olympique Valence, 2-1. Malgradu una squadra assai ringhjuvanita è cù parechji ghjucadori di prim'annata, i Bianch'è Rossi ani fattu rispittà a ierarchia. Inveci, l'avintura hè compia pà l'U19 di u SC Bastia. Sò stati battuti nant'à u tarrenu di Rodez Aveyron, 6-1. Malgradu l'eliminazioni, i Bastiacci ani fattu un bellu parcorsu. L'ACA hà da cunnoscia u so avversariu pà i 16esimi di finali duranti a scelta à l'imbusca di l'8 di farraghju. Ramintemi chì l'Aiaccini erani ghjunti fin'è i quarti di finali in u 2016.
