Football - DNCG: Le GFC Ajaccio fait appel de la sanction
(A redazzioni d'Alta Frequenza) - "Una mancanza di forza evidenti di l'attestazioni amministrativa di a CTC nant'à u so cuncorsu pà a staghjoni 2012/2013 in campiunatu di Francia di Lega 2", eccu ciò chì a DNCG rimpruvareghja à u GFCA, ed eccu ciò chì, sicondu i dirighjenti di u club hà inghjinnatu una cundanna di falata in campiunatu di Francia amatori. Dirighjenti chì ani dighjà dicisu di fà appellu di issa dicisioni, soprattuttu chì, dicini quissi quì, chì i finanzi di u club sò boni è chì "i conti di a staghjoni attuali prisentani un risultatu in benefiziu". Si tratta dunqua pà i dirighjenti di u Gazélec, di un prublema amministrativu è micca di un prublema finanziariu. Senza essa troppu ottimisti, i dirighjenti di u GFCA sò cunfidenti malgradu tuttu, soprattuttu ch'elli t'ani rilazioni stretti in issu mumentu cù i servizii di a CTC, è u cabinetu di Paul Giacobbi. Aspettani dunqua a nutificazioni scritta di a DNCG pà fà valè i so diritti.
Explications d’Olivier Miniconi, président de l’EUSRL GFCA football.
