Football (coupe de France) - Tirage au sort plutôt favorable pour les clubs corses
(A redazzioni d'Alta Frequenza) - A scelta à a sorti di 32i di finali di a cuppa di Francia hè stata urganizata stasera (luni). Quattru clubs corsi erani cuncirnati. I dui furmazioni chì ghjunghjini da i ghjiri scorsi, L'Isula è u CA Bastia, è i dui clubs di Lega 1 chì entrini à ssu mumentu quì ind'a cumpetizioni. Hè u SC Bastia chì hè statu u menu furtunatu, postu chì i ghjucadori di Frédéric Hantz duvarani ghjucà contr'à una squadra di Lega 1, Evian Thonon Gaillard. Inveci, i turchini pudarani essa in Furiani, un elementu pusitivu pà ssa cumpetizioni. L'AC Aiacciu pà contu soiu andarà ind'è u FC Quimperlé, un picculu club amatori birttonu chì ghjoca in divisioni righjunali. U CA Bastia sarà dinò favuritu nant'à u tarrenu di La Roche sur Yon, chì ghjoca in CFA2. Infini, L'Isula andarà ind'u club di La Cayolle, furmazioni di Divisioni d'Unori. Scelti piuttostu boni pà i nostri raprisintanti.
Sur le même sujet
