Football (Coupe de France) - Retentissant exploit de L'Ile-Rousse contre Bordeaux !
(A redazzioni d'Alta Frequenza) - Pà i 16i di finali di a Cuppa di Francia, L'Isula, club di CFA2 u più chjucu di a cumpetizioni, hà rializatu a surpresa incridibuli d'eliminà Bordeaux ssu marcuri à sera in Mezavia, quattru penalties à trè. Balanini eroichi, chì si sò battuti più cà bè contr'à una furmazioni di Lega 1 duranti più di 120 minuti, cù un risultatu à paru 0-0 dopu à i prulungazioni. Duranti a seenza di i penalties, da nutà dui arresti dicisivi di u guardianu di u FBIR, Menozzi, chì hà ghjucatu una partizioni senza nisun nota falsa. Ùn cappiendu mai à u nivellu di i sforzi fisichi, i ghjucadori di Christian Graziani si sò trapassati, rigalendu à i più di 3 000 parsoni prisenti in Ange Casanova una billissima qualificazioni pà l'ottesimi di finali, in cumpagnia di u CA Bastia. L'epupea cuntinueghja pà L'Isula, duva ellu si pensa dighjà à a scelta à a sorti pà u ghjiru chì veni, chì sarà rializata ssu ghjovi à sera à partasi di novi ori menu un quartu in direttu nant'à Eurosport.
Steti à senta a riazzioni di l'intrenori balaninu, Christian Graziani.
Sur le même sujet
