Football (Coupe de France) - Le SC Bastia va affronter le Paris Saint-Germain
(A redazzioni d'Alta Frequenza) - Stasera à 9 ori, pà i trentaduiesimi di finali di a Cuppa di Francia, u SC Bastia sarà nant'à u tarrenu di u mostru Parighji Saint Germain. È malgradu calchì assenza è incertezza, Parighji, ancu in u dubbitu, ferma un avversariu fora di norma, cù i principii di u so ghjucadori novu Julian Draxler. Ind'è i bastiacci, ancu s'è a parolla diragna assai l'intrenori di u Sporting, François Ciccolini, quissu quì duvarà artigianà. In fatti, à i feriti longhi di Squillaci è d’El-Kaoutari, s'aghjustani quilli di Cahuzac, Leca è Crivelli, com'è a suspensioni di Cioni è a partenza pà a Cuppa d'Africa di i Nazioni di Coulibaly. Di fattu, Cabral hè di ritornu mentri chì i ghjovani Acheampong è Triki sò stati chjamati. Malgradu tuttu, u Sporting pruvarà tuttu è circarà à buscassi di più sparienza.
Steti à senta à François Ciccolini, chì faci dinò u puntu nant'à ciò ch'ellu aspetta pà ssu marcatu.
