Football (coupe de France) - Le SC Bastia passe lui aussi
(A redazzioni d’Alta Frequenza) - Bella fini di l’ottesimu ghjiru di a Cuppa di Francia arisera (luni) cù a qualificazioni di u Sporting Club di Bastia pà i trentaduiesimi di finali. S’è i ghjucadori di Federicu Hantz ani battutu à Louhans-Cuiseaux quattru reti à zeru, issi sciffri ùn rispechjani micca veramenti a fisiunumia di a partita. In fatti, ind’u primu periudu, i bastiacci ani fattu mostra di un nivellu bellu luntanu di u so statutu di squadra di prima parti di classifica di Lega 2. Forsa troppu sicuri, è incatinendu i sbaghji tennichi, u Sporting hè ancu passatu vicinu à a disfatta. Ma era senza cuntà nant’à Maoulida, chì sbluccava l’affari à a 44ima minuta. Dopu à a pausa, i bastiacci si daviani di più di rimenu. È ghjè cusì cusì à a 75ima minuta, Maoulida mittia di modu difinitivu u Sporting à l’ascosu, Diallo à l’82ima è Genest à a 91ima chjudendu u successu corsu. Grazia à issa vittoria, u Sporting ricivarà à Sochaux in Furiani, a dumenicata di l’8 di ghinnaghju.
On écoute Toifilou Maoulida au micro d'Eurosport.
Sur le même sujet
