Football (Coupe de France) - Le SC Bastia, le GFCO Ajaccio et le FC Calvi à l'épreuve du 7e tour ce week-end
(A redazzioni d'Alta Frequenza) - Dumenicata sottu à u segnu di a Cuppa di Francia pà i squadri corsi. S'è l'ACA ghjintrarà solu in ghjocu pà i 32imi di finali, u settesimu ghjiru, chì hè a nanzi ultima tappa pà i squadri fora di a Lega 1 nanzi di ghjunghja à i 32imi, vidarà trè squadri isulani spiazzà si nant'à u cuntinenti. U Sporting sarà u prima ghjuchendu contr'à La Seyne-sur-Mer, squadra di prumuzioni d'unori. Dopu à più di quindici ghjorni senza nisunu scontru, i ghjucadori di Federicu Hantz duvarani rilancià l'affari di pettu à unq squadra chì hà signatu 22 reti in sei partiti di Cuppa di Francia, ma chì ùn hà più ghjucatu dinò dipoi parechji settimani. Numarosi assenti da u cantu bastiacciu, postu chì Cahuzac, Khazri, Diallo, Rothen, Cioni è Harek sò suspesi o lacati à u riposu. Un scontru da principià à 2 ori è mezu issu dopu meziornu, à u stadiu Bon-Rencontre di Tulò. Sempri oghji (sabbatu) ma sta volta à 7 ori di sera, u Gazélec d'Aiacciu vularà cuntinuà a so seria di vittorii cunsecutivi, andendu ind'u paisolu di Gières, in Isere, cù una squadra chì ghjoca anch'ella in Prumuzioni d'Unori. Infini, dumani (dumenica) à 2 ori è mezu in Carnoux, Calvi sarà uppostu à un avversariu più impurtanti, a squadra marsighjesa di l'Entente Arménienne Ardziv, ghjuchendu in Divisioni d'Unori. Un avversarui chì à u ghjiru scorsu avia battutu à Le Pontet, squadra di CFA com'è Calvi.
Sur le même sujet
