Football (Coupe de France) - Le SC Bastia crée l'exploit contre Le Mans (2-1)
(A ridazzioni d'Alta Frequenza) - Tamanta prova ! U Mans, sicondu lla classifica in Naziunali 1, hè statu cacciatu fora, pà u sittesimu ghjiru lla cuppa di francia, da u SC Bastia, squadra di Naziunali 3, cù un marcu di 2 à 1. Ben’ch’idd’achi marcatu in prima Diarra pà u Mans à a quinta minuta, i bastiacci si sò battuti com’è lioni, è trà quissi Benjamin Santelli sarà forsa l’eroiu llu scontru, postu ch’idd’hà marcatu toccu u quartu d’ora da metta i squadri à paru, po’ dopu à 67 minuti, cù un calciu di riparu, assicurendu a qualificazioni lla so squadra. Pudiani essa cuntenti, i spittatori ghjunti à millai à u stadiu Armand Cesari.
Stemu à senta à Stéphane Rossi, l’addistradori bastiacciu
