Football (coupe de France) - Le SC Bastia à l'épreuve de Louhans ce soir en coupe de France
(A redazzioni d'Alta Frequenza) - Dopu à qualificazioni senza trimà di u Gazélec d’Aiacciu contr’à u FC Calvi sabbatu, u Sporting Club di Bastia hà da chjoda iss’ottesimu ghjiru di Cuppa di Francia. È da ritruvà i dui squadri d’Aiacciu, l’ACA è u GFCOA in 32imi di finali, i ghjucadori di Federicu Hantz duvarani batta à Louhans-Cuiseaux, squadra di CFA2. Iss’ultimi sò à u novesimu postu di u so gruppu, ind’u quali ghjoca a riserva di u Sporting. Bastiacci chì pighjani veramenti à u seriu issu scontru, postu chì u gruppu sarà guasgi u listessu cà quillu contr’à Sedan in Lega 2, a settimana scorsa. Rothen, suspesu è Sans, feritu, lacani u so postu à Vincent et Thauvin. Un scontru da principià à 8 ori è quartu à u stadiu de Bram di Louhans. Una partita ritrasmissa in direttu nant’à Eurosport.
Sur le même sujet
