Football (coupe de France) - Le GFCO Ajaccio affronte Montpellier en quart de finale aujourd'hui
(A redazzioni d'Alta Frequenza) - Ghjocu à ballò, quarti di finali di a Cuppa di Francia, l'ultima squadra corsa in corsa, u GFCO Aiacciu (Naziunali), ricevi issu dopu meziornu (marcuri) u sicondu di u campiunatu di Lega 1, Montpellier. Una partita chì si tinarà, rammintemu la, in Timmizolu, u stadiu di l'ACA, è micca in Mezavia, pà raghjoni d'arrigulamentu. In corsa pà a cullata in Lega 2, i ghjucadori di Dominique Veilex, dopu ad avè eliminatu frà altru Toulouse è Troyes, sunnieghjani di scriva a storia, passendu issu novu ghjiru. Ma Montpellier, ancu puru cù assenzi impurtanti, ferma una di i più boni squadri francesi, è chì quissa quì ùn cappiarà micca a Cuppa. Da u cantu di u gruppu aiaccinu, tuttu u mondu hè prisenti pà iss'uppusizioni di prima trinca. Senza dubbitu alcunu, u stadiu François Coty sarà carcu, da sustena i "Diavuli Rossi", è fistighjà cusì, qualsiasi u risultatu, u ballò corsu. Un scontru da principià à 5 ori.
Écoutez l’entraîneur ajaccien, Dominique Veilex, avant ce match.
Sur le même sujet
