Football (Coupe de France) - Le GFC Ajaccio accueille Sainte-Marienne
(A redazzioni d'Alta Frequenza) - Ritornu à u tarrenu ssu sabbatu à un'ora è mezu pà i ghjucadori di u GFC Aiacciu chì, pà u so primu scontru di l'annata 2016, ghjucarani i 32imi di finali di a Cuppa di Francia. Una partita in Mezavia contr'à u club di Divisioni d'Unori di Sainte Marienne, chì ghjunghji da l'isula di a Riunioni. Malgradu u scartu di cinqui divisioni trà i dui squadri, i ghjucadori di Thierry Laurey vularani firmà prudenti di pettu à a famosa "magia di a cuppa" chì pudaria apprufittà à a furmazioni a più chjuca. Privu di Tshibumbu, Pujol, Goda è Touré, l'intrenori aiaccinu ùn avarà micca pà daveru a pussibilità di fà cambiamenti in u so effettivu.
Sur le même sujet
