Football (Coupe de France) - L'Ile-Rousse - Guingamp finalement à François-Coty !
(A redazzioni d'Alta Frequenza) - Mentri chì si cridia ssu luni chì l'8u di finali di a Cuppa di Francia trà L'Isula (CFA2) è Guingamp si ghjucaria à u stadiu Armand Cesari di Furiani, u scontru sarà urganizatu finalmenti à u stadiu François Coty in Aiacciu. In fatti, d'appressu à u presidenti di L'Isula, Vincent Orabona, ch'è no avemi chjamatu pà telefonu, a Cumunità d'Agglumerazioni di Bastia, pruprietaria di u stadiu, hà ricusatu a dumanda di u FBIR, pà tena u tarrenu in un bon statu, par asempiu di pettu à u numaru di partiti troppu impurtanti di u SC Bastia è di u CA Bastia nant'à ssu tarrenu, in un tempu assai cortu, guardendu u calendariu di i sfarenti cumpetizioni. Timizzolu hà da accoglia dunqua u marcuri u 12 di farraghju u scontru trà L'Isula è Guingamp, l'AC Aiacciu avendu datu u so accordu à u club balaninu, sempri d'appressu à i dirighjenti di u FBIR.
Sur le même sujet
