Football (Coupe de France) - L'exploit du CA Bastia qui fait chuter Nancy (2-0) !
(A redazzioni d'Alta Frequenza) - L'ani fatta ! I ghjucadori di u CA Bastia, chì ghjocani in Naziunali, ani eliminatu ssu marcuri à sera in Mezavia a squadra di Liga 1 di l'AS Nancy Lorraine, 2-0 pà i 16esimi di finali di a cuppa di Francia. I bastiacci ani scrittu a prima rialisazioni à l'11esima minuta grazia à Camara, prima di duppià a so avanza è d'assicurà a so qualificazioni pà un ghjiru novu cù una reta di Pandor à l'89esima minuta. Una surpresa putenti pà l'omi di Stéphane Rossi, chì si sò dati assai di rimenu è chì sò stati assai serii contr'à visitori chì ùn ci l'ani fatta à cunfirmà u so statutu di squadra superiori. U CAB sarà dunqua prisenti pà l'8esimi di finali !
Steti à senta à Stéphane Rossi, l'intrenori cabistu.
Sur le même sujet
