Football (Coupe de France) - L'AC Ajaccio se déplace à Fréjus - Saint-Raphaël pour les 32e de finale
(A redazzioni d'Alta Frequenza) - Ritornu à a cumpetizioni pà l'AC Aiacciu, cù un spiazzamentu da u cantu di Fréjus - Saint-Raphaël stasera (sabbatu) ind'u quadru di i 32i di finali di a Cuppa di Francia. Dopu à una taghjatura di deci ghjorni, par via di a piantata d'inguernu, l'aiaccini vani inde u Var pà ghjucà contr'à una furmazioni di Naziunali I ghjucadori di Olivier Pantaloni volini bè buscà si a qualificazioni pà u prossimu ghjiru, mutivati à volta da a sfida spurtiva, ma dinò da l'arricata finanziaria impurtanti pà una squadra com'è l'ACA L'uccasioni dinò di cuntinuà nant'à a so bella dinamica, elli chì fermani nant'à dui belli successi in Lega Da u cantu di gruppu, ci hè guasgi tuttu u mondu, fora di Mehdi Mostefa è di Richard Socrier, suspesi tramindui. Pà ciò chì tocca à u novu ghjucadori "Rossu è Biancu", Eduardo, quissu quì sarà bè di u spiazzamentu, ma u dubbitu ferma pà a so participazioni à u scontru. Una partita chì s'annunzia ingaghjata contr'à lucali bè impustati ind'u so campiunatu è chì contani ind'u so effettivu numarosi ghjucadori prufessiunali, avvezzi à issu gennaru di cunfruntazioni. Un'uppusizioni da principià à 8 ori di sera, à u stadiu Pourcin.
Écoutez avant cela le président de l'AC Ajaccio, Alain Orsoni
Sur le même sujet
