Football (Coupe de France) - Fin de parcours pour le Gallia Lucciana à Arras (3-2 a.p)
(A redazzioni d'Alta Frequenza) - A Cuppa di Francia, hè compia pà u Gallia Lucciana. U club hà persu ssu sabbatu à sera duranti u 7esimu ghjiru nant'à u tarrenu d'Arras, furmazioni di Naziunali 2, 3-2 dopu à i prulungazioni. I ghjucadori di l'agglumerazioni bastiaccia ani luttatu a più pudè è ani avutu dui volti a suprana nant'à u risultatu contr'à una squadra chì ghjoca una divisioni sopra à elli. I rialisazioni corsi sò stati scritti da Genga (23esima) è Texeira Lopèrs (92esima minuta nant'à un penalty). Sta dumenica dopu meziornu, l'AC Aiacciu sarà ind'è FC Saint Amand, club di Naziunali 3, mentri chì u GFC Aiacciu andarà in Cagnes Le Cros, squadra di District. Ssi dui scontri sò prugrammati à dui ori. Infini, Furiani Agliani ghjucarà à dui ori è mezu nant'à u tarrenu di l'AFC Compiègne, furmazioni di Regiunali 1.
Sur le même sujet
