Football (Coupe de France) - Deux clubs corses tenteront de passer le huitième tour
(A redazzioni d'Alta Frequenza) - Ssu sabbatu ci sarà l'ottesimu ghjiru di a Cuppa di Francia di ballò, l'ultimu nanzi à l'intrata ind'a cumpetizioni di i squadri di Lega 1, in trentaduiesimi di finali. Dui clubs corsi pruvarani à buscà si a qualificazioni. Prima, u CA Bastia, chì ghjoca in Lega 2, andarà à dui ori è mezu nant'à u tarrenu di Chassieu Décines, un club di divisioni d'unori ind'u rughjoni di Liò. À u ghjiru scorsu, u CA Bastia era statu ubligatu ad eliminà Plouvorn, squadra di u listessu nivellu, à i penaltys, una sparienza chì pudarà è duvarà serva di lizzioni à i cabisti par ùn essa micca troppu stanchi dopu. À sei ori è mezu, L'Isula, furmazioni di CFA2, hà da riceva Villefranche, chì ghjoca in CFA. Una divisioni di scartu chì ùn faci mancu appena a paura à i balanini chì pensani à crià a surpresa.
