Football (Coupe de France) - Derby corse GFCO Ajaccio - FC Calvi pour le 8e tour cet après-mdi
(A redazzioni d'Alta Frequenza) - Issa dumenicata si ghjucarà l'ottesimu ghjiru di a Cuppa di Francia, ultima tappa nanzi d'essa cunfruntatu forsa à una squaddi Lega 1 in trentaduiesimi di finali. Ed hè un bellu scontru chì ci hè prupostu oghji (sabbatu) à 4 ori à u Stadiu Ange Casanova, un derby trà u GFCO Ajaccio è u FC Calvi. Una partita cù un muscu di finali di Cuppa di Corsica nanzi à l'ora vistu l'inghjocu, ma dinò par via di a bona saluta di i squadri. L'aiaccini, porta bandera di a Corsica à u nivellu amatori, rializeghjani un bunissimu parcorsu in Naziunali, avvicinendu si di u podium grazia à a so bella seria di cinqui vittorii à a fila. I calvesi, elli, si sbroghjani bè pà a so prima staghjoni in CFA, essendu par avà dicesimi di u so gruppu è fendu prova di una bella cumbattività. U terzu raprisintanti isulanu, u Sporting, si spiazzarà in Louhans-Cuiseaux, ghjuchendu in CFA2, luni à ottu ori è quartu di sera.
Sur le même sujet
