Football (Coupe de France) - 32e de finale : le SC Bastia reçoit le FC Sochaux à Furiani
(A redazzioni d'Alta Frequenza) - In Cuppa di Francia, hè una bellissima uppusizioni chì aspetta à u publicu di Furiani, u Sporting Club di Bastia ricivendu à u FC Sochaux-Montbéliard, squadra di Lega 1. I visitori chì ani lacatu un bunissimu ricordu à u Sporting, chì avia battutu à iss'ultimi 2-0 à u Stadiu Bonal in Cuppa di a Lega annu. Un affari chì duvaria fà piacè à i statistiziani è à quilli à quali piaci a superstizioni, aghjustatu à u fattu chì Bastia ùn hà più persu in casa soia dipoi u mesi d'aprili di u 2010 in scontru ufficiali. Ma a Cuppa di Francia hè a cumpetizioni chì pò riservà u più suspresi, ciò chì prumetti un scontru bellu apartu. Cosa pessima malgradu tuttu pà u Sporting, postu chì Novaes, suffrendu da a coscia, duvarà lacà u so postu à Agostini ind'i gabbii. Fora di l'assenza di Genest ind'u gruppu, rimpiazzatu da Thauvin, u gruppu bastiacciu hè fora di qualsiasi suspresa. Un scontru da principià à 8 è 45 di sera.
Sur le même sujet
