Football (Coupe de France) - 16es de finale : l'AC Ajaccio, le SC Bastia et le GFCO Ajaccio connaissent leurs adversaires
(A redazzioni d'Alta Frequenza) - Dopu ad avè rializatu un centu par centu qualifichendu si pà i 16i di finali di a Cuppa di Francia issa dumenicata, i squadri corsi aspittavani a scelta à a sorti di stasera (dumenica) fatta à a sedia di a FFF, da cunnoscia i so avversarii, ed hè fatta oramai. Prima furmazioni isulana scelta, u Sporting Club di Bastia chì andarà ind'u Nordu di a Francia, pà un spiazzamentu micca faciuli da u cantu di Valenciennes (Lega 1). U GFCO Aiacciu, chì sarà statu una di i suspresi di issi 32i di finali elimendu à Toulouse, ghjucarà torna una volta in casa soia, postu ch'ellu ricivarà à Troyes (Lega 2), chì hà cacciatu d'altrondi à Caen sabbatu à sera. Infini, l'AC Aiacciu hà piuttostu cunnisciutu una bella sorti ; i ghjucadori di Olivier Pantaloni appruntarani i so valisgi pà l'Ain, da pudè ghjucà contr'à Bourg-Péronnas, squadra di CFA. 16i di finali chì si tinarani i 21 è 22 di ghjinnaghju.
