Football (amicaux) - SCB-GFCA et ACA-CAB dos à dos (1-1)
(A redazzioni d'Alta Frequenza) - Dui partiti amichevuli di priparazioni sò stati urganizati ssu vennari pà i quattru clubs prufiziunali di l'isula. In Corti prima, induva u SC Bastia è u GFC Aiacciu si sò scuntrati. I dui squadri si sò lasciati annant'à un risultatu à paru, 1-1 ; Brandao avia scrittu a prima rialisazioni pà i Bastiacci à a 44ima minuta, prima chì Larbi egualizessi pà i Rossi è Turchini annant'à un penalty à a 91ima. In Aiacciu infini, cù un scontru trà l'ACA d'Olivier Pantaloni è u CA Bastia di Christian Bracconi. L'Aiaccini ani fattu trimà i reti in furia, à a 5ima minuta, grazia à u so novu ghjucadori Nouri ; i Cabisti ani rispostu à a 57ima cù Leca. Dui belli provi pà i sfarenti squadri, à l'alba di una staghjoni nova chì tuttu u mondu spera pusitiva.
Sur le même sujet
