Football (amical) - Lyon s'impose à Furiani 2 à 0
(A redazzioni d'Alta Frequenza) - Arisera (marcuri), u Sporting Club di Bastia ghjucava contr'à l'Olympique Lyonnais ind'u quadru di un scontru amichevuli. Una partita persa 2-0 nant'à un duppiettu di Lisandro Lopez à a 27a è à a 28a minuta. Ùn hè micca stata una suspresa, i Liunesi, ancu senza furzà, ani mustratu ciò chì faci a sfarenza trà una bona squadra di Lega 2 com'è u Sporting di un "mostru" di a Lega 1. Una sfarenza tennica ma soprattuttu fisica, a difesa essendu pighjata di sottu ind'u primu periudu nant'à i calchì azzioni liunesi. Ind'u sicondu tempu, i dui allenatori ani fattu ghjirà i so effettivi, ciò chì hà parmissu di riiquilibrià appena a partita. Da u cantu di u Sporting, Jonathan Lacourt, par avà in periudu di prova, hà ghjuvatu duranti un'ora com'è mezu uffensivu, eppo com'è riguaratori. Da nutà chì intornu à issu scontru chì l'effettivu è u staff liunesi ani firmatu cù l'accusentu di u so presidenti Jean-Michel Aulas, a petizioni chì dumanda chì più nisunu scontru si ghjuchessi u 5 di maghju chì veni pà i vinti anni di a catastrofa di Furiani.
On écoute les impressions de l'entraîneur bastiais, Frédéric Hantz.
Sur le même sujet
