Football (amical) - Bastia affronte Lyon en amical à Furiani
(A redazzioni d'Alta Frequenza) - À trè ghjorni di a recezzioni di Sochaux pà i 32i di finali di a Cuppa di Francia, u Sporting Club di Bastia s'hà da pudè pruvà ghjuchendu contr'à un "mostru" di Lega 1, l'Olympique Lyonnais. Un scontru amichevuli, sicura, ma chì parmittarà senza dubbitu alcunu à u Sporting di sapè ni di più nant'à u statu di a so forma. Ci voli à dì chì Liò, in staziu in issu mumentu in Purtivechju, mittarà forsa duranti unu di i dui periudi di a partita una squadra assai vicina di u so ondici di regula. Iss'ultimu chì adunisci nomi com'è Bastos, Lisandro, Gomis o Lloris, avvezzi à i cumpetizioni aurupei. I dui squadri farani ghjirà bella sicura i so effettivi, ed hè cusì chì si vidarani i primi passi di Jonathan Lacourt sottu à a maglia bastiaccia. Un scontru apartu à u publicu, è chì principiarà à 5 ori issu dopu meziornu in Armand Cesari.
Sur le même sujet
