Football - Addition salée pour les clubs corses en commission de discipline
(A redazzioni d'Alta Frequenza) - A cummissioni di disciplina di a Lega di Ballò Prufessiunali l'hà fatti falà, torna una volta, nant'à i squadri corsi. Prima, Ilan, ghjucadori di u SC Bastia, hè statu suspesu pà quattru sconti frà i quali dui di modu attimpatu pà insulti ver di l'arbitru contr'à Rennes, mentri chì l'attaccanti dici, appughjatu da u so allenatori, chì l'affari ùn hè vera. Ghjuvan Battì Pierazzi, pà l'AC Aiacciu, hà presu un scontru di suspensioni subbitu è unu di modu attimpatu pà un gestu ghjudicatu troppu piriculosu da l'arbitru contr'à Valenciennes, mentri chì Eduardo sarà cunvucatu da quì à pocu pà un gestu nant'à u nordistu Rémi Gomis. Infini, dopu à a sclusioni cù u GFC Aiacciu contr'à Lens, Yohan Bocognano sarà suspesu dui partiti.
