Fonds ancien de la bibliothèque Fesch : un partenariat avec la Sorbonne pour se réapproprier l'Histoire
A cità d’Aiacciu è l’Università di a Sorbonne ani signatu marcuri una cunvinzioni di cullaburazioni chì hà da curra par trè anni. Hà da avè par ughjittivu di studià i cullizzioni anziani grechi è latini di a bibliutecca patrimuniali Fesch.
« Issu prughjettu di ricirca tuccarà parichji arghji di u sapè sviluppati in a littaratura antica, è chì sò i fundamenti di i scenzi muderni. In la bibliutecca, l’affari hà da tuccà i fonti di i scenzi umani è i fonti di i scenzi è tecnichi : filusuffia, filulugia, lingui è littaraturi latina è greca antichi, astrunumia è midicina antichi è muderni », hà dittu Simone Guerrini, l’aghjunta à a cultura.
À liveddu di u finanzamentu, u prughjettu impegna a CdC, u statu, è i mecenati di a Fundazioni di u Patrimoniu è di a Fundazioni Dassault Histoire.
Steti à senta à Simone Guerrini.
Issa vistichera in i fonti anziani sarà purtata da una squadra scintifica pluridisciplinaria di dutturanti è circadori, ch’idda hà da cuurdinà Hélène Casanova-Robin, prufissori di l’Università in littaratura latina, à a Sorbonne.
Par idda, u intaressu d’issa cullaburazioni hè di rimetta à luci issi fonti di tantu valori.
Steti la à senta.
Véronique Boudon Millot hè dirittrici di ricirchi à u CNRS, Lavuratoriu Urienti è Maritarraniu, rattaccatu à a Sorbonne.
S’intaressa à veru à i ghjuveddi prisenti in Aiacciu. Passendu da l’annutazioni à l’ex-libris, issu travaddu permetti di scopra a vita d’iss’opari, gramazia à i so autori ma ancu à i so littori.
Steti à senta i spiicazioni di Véronique Boudon-Millot.
Adrian Faure hè dutturanti spicializatu in a littaratura latina di a Rinascita taliana.
Una parti di u so travaddu si hà da fà in Corsica. Vidi iss’affari com’è una bedda uppurtunità, è una bedda manera di cuntribuì à a circulazioni di i sapè.
Steti lu à senta.
Sur le même sujet
