Fonctionnement de Qualitair Corse: des anomalies constatées par Aria Linda et A Sintinella
(A redazzioni d'Alta Frequenza) - A Sintinella è Aria Linda sò vultati ssu marcuri, duranti una cunfarenza di stampa, annant'à u cartulari di a nova cintrali di u Vazziu è nant'à l'evuluzioni di ssu cartulari. I dui associ, ùn c'hè più bisognu à pricisà la, s'upponini da u sempri à u custruzzioni di novi cintrali termichi à u fuel in Corsica. Pighjendu l'asempiu di u lanciamentu di a nova cintrali di Lucciana, l'associ stimani chì a cintrali attuali di u Vazziu pò viaghjà dinò ella à u fuel lighjeru. I dui associ ani scuntratu calchì ghjornu fà u prifettu di Corsica pà fà un bilanciu inghjiru à u cartulari. I dui associ ani fattu rimarcà à u raprisintanti di u Statu certi prublemi custatati ind'u funziunamentu di Qualitair Corse è soprattuttu annant'à a racolta di i dati tennichi di i nivelli di pulluzioni è annant'à a so mediatisazioni. Di cosa si tratta?
Steti à senta à Jean Nicolas Antoniotti, vici presidenti di Qualitair Corse è chì faci parti di u cunsighju d'amministrazioni pà l'associ.
Sur le même sujet
