Focus sur le compte administratif 2015 de la CAPA
(A redazzioni d'Alta Frequenza) - A CAPA prisintava ssu ghjovi u so contu amministrativu (guasgi 102 millioni d'auri), vali à dì a rialisazioni di l'eserciziu bughjettariu scorsu. A cumunità d'agglumerazioni prisenta di fattu un risultatu di guasgi 8 millioni d'auri nant'à u so bughjettu principali è i so annessi. U risparmiu schiettu nant'à 2015 hè à l'ingrossu di 9 millioni d'auri è faci spuntà, sicondu a CAPA, una situazioni bunissima in tarmini d'isciuta di u debbitu. À u nivellu di l'investimentu, a CAPA hà ingaghjatu 12,4 millioni d'auri nant'à u so tarritoriu in u 2015, frà i quali 4,2 millioni pà i reti d'acqua è d'assanimentu. L'altru cartulari maiò, à vena stavolta, hè quillu inghjiru à u trattamentu di i rumenzuli. U latu funziunamentu hà cunnisciutu una crescita di pettu à u 2014 (+7,75%) inghjinnatu par asempiu da u trasferimentu di u serviziu urbanisimu à a CAPA o da a missa in ballu di u serviziu Aiaccina. A CAPA "un investidori publicu dinamicu", eccu a filusufia di a squadra dirighjenti chì voli firmà prudenti malgradu tuttu pà ciò chì tocca l'avvena.
Steti à senta à Xavier Lacombe, vici presidenti di a CAPA.
