FLNC : Mise en garde et revendications
Image Via Stella
U FLNC – Unioni di i Cumbattanti è 22 d’Uttrovi – hà mandatu marti à Corse Matin un cumunicatu di trè pagini.
In prima, u ghjornu di l’arricordiu lla so morti, u muvimentu rendi umaghju à Yvan Colonna.
U FLNC dici chì « i stituzioni francesi ani à veru a intinzioni d’ammutulì un affari chì faci a dimustrazioni d’una vindetta di i gran’ corpi llu statu ».
In u ducumentu, hè fatta una critica dura di u guvernu, ed hè annunciata una ripresa di l’azzioni, da luttà contru à a culunisazioni di pupulamentu.
Dici u muvimentu clandistinu chi’ddu hà da « cuntinuvà à agì contru à a culunisazioni di pupulamentu sfrinata, purtendu azzioni contru à i risidenzi, sicundarii o principali, di quiddi chì venini à stallà si ind’è no’ cridindu si ind’è iddi ».
Averti, u muvimentu, à quiddi chì finanzariani « a custruzzioni o a comprita di casi à i francesi ».
Mintuvendu i discursati cù parigi, u FLNC parla di « pratesa cuncirtazioni », fatta pà « ingannà i membri lla maiurità».
Pà u FLNC, a maiurità tarrituriali hà accittatu i reguli strinti d’un legalismu artificiali, ch’ùn prufitta chè à u statu. L’eletti di a maiurità naziunali ùn sò fermi à bastanza, da dà forza à i rivindicazioni fundamintali ».
Hè parvia di quissa, dici u muvimentu ch’iddu devi tena attivu u so cumbattu.
À u muvimentu GCC, u FLNC li voli pricisà ch’in 50 anni d’asistenza, ùn si hè mai firmata a so lutta.
Rimpruvarighja d’altrondi ch’iddu sichi aprudatu u so nomu à torru à quiddu lla Ghjuvantù Clandistina Corsa.
U FLNC rivindichighja 17 azzioni contru à risidenzi sicundairi o casi, ma ancu a prova d’attintatu contru à a sedia di Total in Bastia è contru à una impresa di BTP.
Sur le même sujet
