Fioul léger à Lucciana, le député Sauveur Gandolfi-Scheit rencontre le ministre Besson
(A redazzioni d’Alta Frequenza) - Fuel lighjeru in Lucciana : u diputatu Sauveur Gandolfi-Scheit scontra issu dopu u ministru di l’Energia, Eric Besson. U diputatu merri di Biguglia avanza l’idea chì « a saluta publica », devi essa di primura nant’à qualsiasi altra cunsidarazioni, soprattuttu ecunomica, è què ancu di più ind’un’isula duva u Statu voli crià dipoi anni è anni un « polu d’eccelenza d’ambienti ». I scopi di u parlementariu è chì iss’ultimu prisintarà à Eric Besson, sò chjari : publicazioni di i risultati di u studiu tennicu ecunomicu uttenutu da Jean-Louis Borloo d’uttrovi di u 2010 è chì u Statu hà cumandatu à l’uparatori EDF-PEI à u primu semestru 2011, rimissa in causa di u passaghju à u fuel pisivu, privistu par avà da l’arrestu prefetturali di u 14 di sittembri di u 2010 è intarvinzioni finali di i ministri di tutella è di u Presidenti di a Republica à prò di l’impiecu di u Fuel lighjeru in Lucciana, aspittendu ch’ellu ghjunghjessi u gaz naturali. L’appuntamentu hè statu fissatu à 4 ori è mezu.
Sur le même sujet
