Fin de la vigilance Orange neige-verglas en Corse
(A redazzioni d'Alta Frequenza) - Fini di a vigilenza Aranciu nevi/cotru nant'à l'isula sana, dopu à un accalmia di u fenomenu meteurulogicu. L'episodiu d'acquati è nivati intarvinutu dipoi arimani si compii. L'accessu à a bocca di Vizzavona ferma sempri pruibita à i "poids lourds" è à i veiculi senza arnesi. Calchì disturbu ferma sempri nant'à a reta stradali sicundaria : in Corsica Suttana, i bocchi di Sevi, Tartavella, Bavedda è Verghju sò sarrati, par via d'arburi fasciati nant'à a strada. Un ritornu à a nurmali hè aspitattu nanzi à a fini di a ghjurnata. Da nutà dinò chì 5000 usadori sò sempri privi d'elettricità inde parechji cumuni (Vicu, Bastelica, Altu Taravu). I squadri di EDF sò nant'à u tarrenu da ristabiliscia u currenti. In Corsica Suprana, a circulazioni ferma quantunqua disturbata, frà altru nant'à a Naziunali 197 trà Corti è Ponte Leccia. Nisunu accidenti è intarvinzioni maiò di spinghjifochi liata à u gattivu tempu hè stata rilevata, ancu di grazia. Malgradu issi mighjurazioni, i spiazzamenti fermani scunsighjati è a più grandi prudenza hè sempri racumandata.
Sur le même sujet
