Fin de la crise des déchets et réouverture du centre d'enfouissement de Vico
(A redazzioni d'Alta Frequenza) - Isciuta pusitiva cuncirnendu a crisa di i rumenzuli. In fatti, un protocollu d'accordu hè statu trovu ssu marcuri dopu meziornu dopu à ori longhi di discussioni in prifittura d'Aiacciu trà u Statu, u SYVADEC è u cullittivu "Pà un Pumonte pulitu" (veda altrò). Un protocollu d'accordu chì hè statu accittatu dopu da l'abitanti di u rughjonu di Vicu, dopu à un votu chì hè intarvinutu in principiu di sirata duranti una riunioni in Saone. U ruminzulaghju di Vicu sarà torna libaru d'accessu dumani matina, pà parmetta un ritornu à a nurmalità à u nivellu di a racolta di i rumenzuli nant'à l'isula.
Steti à senta à Jean Yves Torre, pà u cullittivu "Pà un Pumonte pulitu".
Sur le même sujet
