Fin de conflit à la mission locale d'Ajaccio
(A redazzioni d'Alta Frequenza) - Fini di cunflittu à a missioni lucali d'Aiacciu, chì uppunia i parsunali STC à a direzzioni. Dopu à più di deci ghjorni d'accupazioni di i lucali, neguziazioni si sò tinuti infini oghji (marti), è u sindicatu naziunalistu hà vistu parechji rivindicazioni soii intesi. Di fattu, avanzati sò stati accurdati à u nivellu di l'ori d'apartura di i lucali, ori più larghi, da favuriscia l'accolta di i ghjuvanotti suvitati. L'indennità di trasportu ella, sarà missa in piazza à partasi da u 1a di maghju, mentri chì una riunioni trà tutti i missioni lucali si tinarà da quì à pocu pà ciò chì tocca à l'attribuzioni di i ticchetti risturanti. Avanzata dinò pà i ghjorni di l'ARTT o ancu nant'à a numinazioni di un novu membru di u parsunali à u Cunsighju d'Amministrazioni.
Sur le même sujet
