FIJAIT pà i militanti naziunalisti : u missaghju di Félix Benedetti
(Julien Pernici - Alta Frequenza) - Pà ssu principiu di simana, pari ch'ella cullessi a prissioni in Corsica inghjiru à u cartulari FIJAIT di certi militanti naziunalisti. In fatti, dopu à Félix Benedetti, missu in guardia custodia ssu marti è chì sarà ghjudicatu par avè ricusatu d'essa missu inde ssu cartulari u 22 di nuvembri da u tribunali currizziunali di Bastia, tocca oramai à Stéphane Tomasini à essa tinutu da i gendarmi dipoi ssu marcuri dopu meziornu par a listessa raghjoni. L'ubligazioni di u FIJAIT s'assumigliani à quilli chì toccani l'islamisti radicali è i djihadisti, FIJAIT chì t'hà com'è scopu di renda più faciuli l'identificazioni di i parsoni è di privena u rinnovu di l'infrazzioni cù un carattaru tarruristu. Una cunfusioni impussibuli à suppurtà pà Félix Benedetti, chì, inde u so casu, hè stupitu di pettu à ssa vulintà, postu ch'ellu hà fattu appellu di a sintenza inde l'affari chì u cuncerna, una cundanna chì includi a so scrizzioni à u FIJAIT. Impeghjurisci l'ambiu puliticu in Corsica, cù accantu à què a guardia custodia di a cunsighjera tarrituriali di i ghjovani Sonia Battistelli par avè ricusatu di dà u so ADN ?
Steti à senta à Félix Benedetti.
Sur le même sujet
